⭕रात्री पत्नीने दरवाजा उघडण्यासाठी केला उशीर,
⭕डी.वाय.एस.पी.(D.Y.S.P).ने झाडल्या गोळ्या..
चंदीगड : सिंघम नावाने ओळखल्या जाणाऱ्या डी.वाय..एस.पी. अतुल सोनी वर पंजाब पोलिसांत खुनाचा प्रयत्न आणि शस्त्रास्त्र कायद्यान्वये (Arms Act) गुन्हा दाखल करण्यात आला आहे. असा आरोप केला जात आहे की, सोनीने आपली पत्नी सुनीता सोनी यांना गोळ्या घालून ठार मारण्याचा प्रयत्न केला.ही घटना शनिवारी रात्रीची आहे. अतुल सोनी दुपारी अडीचच्या सुमारास पार्टीमधून घरी परतला. झोप लागली असल्यामुळे पत्नीने घराचा दरवाजा बराच उशिरा उघडला. डी.वाय.एस.पी. सोनी यावर इतका संतप्त झाला की त्याने पत्नीवर गोळी झाडली. मात्र, यात ती थोडक्यात बचावली. असं म्हटलं जात आहे की गोळी डोक्याच्या वरच्या बाजूस गेली आणि पत्नी जिवंत वाचली.हल्ल्यानंतर डी.वाय.एस.पी.च्या पत्नीने मोहालीच्या स्टेशनच्या फेज 8 मध्ये तिच्या पतीविरूद्ध तक्रार दाखल केली आहे. पोलिसांनी गुन्हा दाखल करून तपास सुरू केला आहे. अतुल सोनीने त्याच्या सर्व्हिस रिवॉल्व्हरवरून नव्हे तर बेकायदेशीर रिव्हॉल्व्हरवरून गोळी चालविली असल्याचा आरोप आहे. सोनीच्या पत्नीनेही या घटनेत वापरलेली शस्त्रे आणि काडतुसे पंजाब पोलिसांच्या ताब्यात दिली आहेत. अतुल सोनी सध्या फरार आहे.पंजाबच्या या सिंघमच्या जुन्या रेकॉर्डवरून अतुल सोनीने बर्याच पंजाबी चित्रपट आणि व्हि.डि.ओं.मध्येही काम केले आहे आणि बॉडी बिल्डिंगमध्येही पंजाब पोलिसांचा लोकप्रिय चेहरा आहे. यापूर्वीही बर्याचदा तो वादात अडकला आहे. जून 2012मध्ये त्याला दिल्ली विमानतळावर शस्त्र कायद्यांतर्गत अटक करण्यात आली.मार्च 2013मध्ये सोनी विरोधात खंडणी व अपहरणाचा गुन्हा दाखल करण्यात आला होता. एवढेच नव्हे तर गेल्या वर्षी मार्चमध्ये सोनीच्या मुलाला रोड अपघाताच्या प्रकरणात अटक केली होती. त्यांच्या कारनेच एका एनराईचा मृत्यू झाल्याचा आरोप करण्यात आला होता.
