वाहन आणि बँकिंग क्षेत्रात घसरण; सेन्सेक्स ४०० अंकांनी गडगडला

पुणे प्रवाह न्युज पोर्टल 


 



 


मुंबई, १४ ऑगस्ट २०२०: वाहन आणि बँकिंग क्षेत्राने घसरण घेतल्याने आज बेंचमार्क निर्देशांकांनी घट दर्शवली. निफ्टी १.०८% किंवा १२२.०५ अंकांनी घसरला व ११,२०० पातळीखाली ११,१७८.४० अंकांवर स्थिरावला. तर एसअँडपी बीएसई सेन्सेक्सनेही घसरण अनुभवली. सेन्सेक्समध्ये १.१३% किंवा ४३३.१५ अंकांची घट होऊन तो ३७,८७७.३४ अंकांवर थांबला.


 


एंजल ब्रोकिंग लिमिटेडचे प्रमुख सल्लागार श्री अमर देव सिंह यांनी सांगितले की आजच्या व्यापारी सत्रात जवळपास १६०० शेअर्स घसरले, १०८५ शेअर्सना लाभ झाला तर १३३ शेअर्स स्थिर राहिले. आयशर मोटर्स (७.१५%), टाटा मोटर्स (४.८०%), एमअँडएम (३.२७%), बजाज फायनान्स (२.५९%) आणि अॅक्सिस बँक (२.६३%) हे निफ्टीतील टॉप लूझर्स ठरले. तर जेएसडब्ल्यू स्टील (२.५७%), कोल इंडिया (२.३३%), सन फार्मा (१.९७%), सिपला (१.७६%) आणि एनटीपीसी (१.५५%) हे निफ्टीतील टॉप गेनर्स ठरले. मेटल आणि फार्मा वगळता सर्व क्षेत्रांनी लाल रंगात व्यापार केला. बीएसई मिडकॅप १.०२% नी तर बीएसई स्मॉलकॅप ०.६१% नी घसरला.


 


एनटीपीसी लिमिटेड: कंपनीचा २०२१या वित्तवर्षातील पहिल्या तिमाहितील निव्वळ नफा ५.९% नी घसरला तर कंपनीचा महसूलही २.६% नी घटला. तरीही कंपनीचे स्टॉक्स १.५५% नी वाढले व त्यांनी ८८.६० रुपयांवर व्यापार केला.


 


नेस्को लिमिटेड: कंपनीचा २०२१ या वित्त वर्षातील पहिल्या तिमाहितील एकत्रित निव्वळ नफा ३५% नी वाढला तर महसूल ११ टक्क्यांनी घटला. तरीही कंपनीचे स्टॉक्स ४.५०% नी वाढले व्तयांनी ५१६.०५ रुपयांवर व्यापार केला.


 


सिटी युनियन बँक लिमिटेड: बँकेचे स्टॉक्स ३.८१% नी वाढले व त्यांनी १२१.२५ रुपयांवर व्यापार केला. जूनमध्ये संपलेल्या तिमाहित चांगली कामगिरी केल्याच्या वृत्तानंतर हे परिणाम दिसले. २०२१ या वित्तवर्षातील पहिल्या तिमाहीत कंपनीचा निव्वळ नफा १६.९% नी वाढला तर निव्वळ व्याज उत्पन्न ४.८% नी वाढले.


 


बीपीसीएल लिमिटेड: कंपनीच्या कामकाजातील महसुलात २०२१ या वित्तीय वर्षातील पहिल्या तिमाहीत ४३.८ % ची घट झाली. तर या काळात निव्वळ नफा २,०७६ कोटी रुपये झाला. कंपनीचे स्टॉक्स १.९८% नी घसरले व त्यांनी ४१२.८० रुपयांवर व्यापार केला.


 


हिरो मोटोकॉर्प: २०२१ या वित्तवर्षातील पहिल्या तिमाहीत कंपनीने कमकुवत कामगिरी दर्शवली. कंपनीचा निव्वळ नफा ९५.१% नी घसरला तर कामकाजातील महसुलात ६३३% ची घट झाली. कंपनीचे स्टॉक्स ०.४९% असे काही प्रमाणात घसरले व त्यांनी २,७९६.०० रुपयांवर व्यापार केला.


 


भारतीय रुपया: अस्थिर इक्विटी मार्केटच्या स्थितीत अमेरिकी डॉलरच्या तुलनेत भारतीय रुपयाने ७४.९० रुपयांचे मूल्य अनुभवले.


 


जागतिक बाजार: आशियाई बाजाराने संमिश्र व्यापार केला तर युरोपियन मार्केटने आजच्या व्यापारी सत्रात घसरण अनुभवली. नॅसडॅक आणि निक्केई २२५ ने अनुक्रमे ०.२७% व ०.१७% ची वृद्धी घेतली तर हँगसेंगमध्ये ०.१९% ची घसरण झाली. तर दुसरीकडे एफटीएसई १०० मध्ये १.८०% ची घट झाली तर एफटीएसई एमआयबीमध्ये १.४८% ची घसरण झाली.


Popular posts
बंड गार्डन पाेलिस निरीक्षक मा. अमाेल काळे साहेबांच्या वाढदिवसाचे औचित्य साधून ; साहेबांना कोरोना योद्धा पुरस्काराने गौरविण्यात आले
Image
न्यू आर्या फाऊंडेशनच्यावतीने समाजाला आधार देण्यासाठी रक्तदान शिबिराचे आयोजन
Image
पुणे ग्रामीण जिल्ह्यातील सर्व पोलीस अधिकाऱ्यांना अधिकार प्रदान- जिल्हा पोलीस अधीक्षक पाटील
Image
💃🏻*Traditional Kanchipuram at its finest and most classic
Image
महाविकास आघाडीचे पदवीधर मतदारसंघाचे उमेदवार अरुण लाड व शिक्षक मतदार संघाचे उमेदवार प्रा. जयंत आसगावकर यांच्या प्रचारार्थ पुणे शहर जिल्हा काँग्रेस कमिटी, काँग्रेस भवन मध्ये आज महत्वपूर्ण बैठक संपन्न...
Image