जनाई - शिरसाई योजनेअंतर्गत बंद नलिका वितरण प्रणाली अहवाल सादर करा.....  उपमुख्यमंत्री अजित पवार 

पुणे प्रवाह न्युज पोर्टल 


 


 



                                                                                                  -


पुणे,दि.१०: जनाई -शिरसाई योजनेअंतर्गत बंद नलिका वितरण प्रणाली राबविण्यासाठी कालव्यांचा प्राधान्यक्रम ठरवून याबाबत शासनाला अहवाल सादर करा, असे निर्देश उपमुख्यमंत्री अजित पवार यांनी दिले.


                 जनाई-शिरसाई प्रकल्पांतर्गत बंद नलिका वितरणप्रणाली (पाईपलाईन) बाबत उपमुख्यमंत्री अजित पवार यांच्या समोर आज जलसंपदा विभागाच्या वतीने विभागीय आयुक्त कार्यालयात सादरीकरण करण्यात आले. यावेळी जलसंपदा विभागाचे मुख्य अभियंता राजेंद्र मोहिते, अधीक्षक अभियंता प्रविण कोल्हे, पुणे पाटबंधारे मंडळाचे अधीक्षक अभियंता संजीव चोपडे, कार्यकारी अभियंता बाळासाहेब शेटे, श्री. कानिटकर, श्री. किट्टड आदी अधिकारी उपस्थित होते.


           यावेळी उपमुख्यमंत्री अजित पवार यांनी जनाई - शिरसाई उपसा सिंचन योजनेमुळे लाभ होणा-या गावांची तसेच तालुकानिहाय सिंचन क्षेत्राची माहिती घेतली. या प्रकल्पातून भरण्यात येणारे तलाव, बंद नलिका वितरण प्रणाली ( पीडीएन) राबविण्याबाबत केलेल्या प्राथमिक अभ्यासाबाबत जाणून घेतले. जलसंपदा विभाग व वित्त विभागाच्या संबंधितांसोबत याबाबत चर्चा करण्यात येईल, असे उपमुख्यमंत्री अजित पवार यांनी यावेळी सांगितले.


           पुणे जिह्यातील बारामती, दौंड आणि पुरंदर तालुक्यातील अवर्षण प्रवण क्षेत्रातील शेतजमिनीला पाणी पुरविण्यासाठी जलसंपदा विभागामार्फत जनाई - शिरसाई उपसा सिंचन योजना राबविण्यात आल्या आहेत. या योजना कार्यान्वित झाल्या असून या योजनेसाठी खडकवासला प्रकल्पातून ३.६ टिएमसी पाणी मंजुर करण्यात आले आहे. तथापि पुणे महानगरपालिकेने खडकवासला प्रकल्पातून पिण्यासाठी पाणी आरक्षित केल्यामुळे जनाई-शिरसाई योजनेला पूर्ण क्षमतेने पाणी मिळत नसल्याने या भागातील लाभधारक शेतकऱ्यांना पाण्याचा पुरवठा पुरेशा प्रमाणात होत नाही. या अनुषंगाने या प्रकल्पांतर्गत असलेल्या कालव्यांच्या वितरण व्यवस्थेऐवजी बंद नलिका वितरण प्रणाली (पाईपलाईन) राबविल्यास पाण्याचा वहनव्यय कमी होऊन, योग्य दाबाने शेतीला पाणी मिळू शकेल. अशी माहिती जलसंपदा विभागाच्या अधिका-यांनी बैठकीत दिली.


             यावेळी प्रस्तावित बंद नलिका वितरण प्रणाली अभ्यासाचे सादरीकरण उपमुख्यमंत्री अजित पवार यांच्यासमोर करण्यात आले. सादरीकरणामध्ये या प्रणालीत कालव्याऐवजी बंद नलिका वितरण प्रणालीद्वारे पाणी पुरवठा केल्यास प्रकल्पाची सध्याची कार्यक्षमता ५० टक्क्याहून ७७ टक्के पर्यंत वाढू शकेल. मात्र यासाठी ४५० कोटी रुपयांचा खर्च येऊ शकेल, अशी माहिती देण्यात आली.


                                                       0 0 0 0


Popular posts
मुख्य कार्यकारी अधिकाऱ्यांच्या आदेशाने कर्जत तालुक्यातील कुपोषित मूले,गरोदर माता विशेष आरोग्य तपासणी मोहिमेस सुरुवात कर्जत,ता.30 गणेश पवार कोरोना आजाराचा फैलाव रोखणेसाठी मार्च महिन्यापासून कर्जत तालुक्यातील अगंणवाड्या बंद आहेत. अगंणवाड्यात जाणाऱ्या मुलांची तसेच गदोदर महिलाची एका मोहिमेच्या स्वरुपात तपासणी करून अहवाल देण्यात यावे असा आदेश जिल्हा परिषदेचे मूख्य कार्यकारी अधिकारी यानी एका पत्राद्वारे दिले होते. या आदेशानुसार कर्जत तालूक्यात अगंणवाडी मध्ये जाणारे मूले तसेच गरोदर महिलाची विशेष तपासणी सूरू झाली असून कर्जतचा तालूका आरोग्य विभाग व महिला बालविकास विभागाचे वतीने ही विशेष मोहिम राबवीली जात आहे.रायगड जिल्हा परिषदेचे मूख्य कार्यकारी आधिकारी दिलीप हळदे यानी जिल्हा शल्यचिकीत्सक यांचे नावे पत्र काढून जिल्ह्यातील एकुण सर्व्हे झालेल्या 1,तसेच 56,आणि 192 मुलांची तसेच शाळा मध्ये जाणारी मूले व गरोदर महिला याचीआरोग्य तपासणी आणि उपचार करण्याचे आदेश दिले होते . उपमूख्य कार्यकारी (महिला आणि बाल विकास )आधिकारी नितीन मंडलीक यानी कर्जत येथे बैठक घेऊन या विशेष मोहिमेचे नियोजन केले होते.तालूका आरोग्य अधिकारी डॉ सी के मोरे यांनी तालूक्यातील सहा प्राथमिक आरोग्य केन्र्दातील आरोग्य अधिकारी यांनी सर्व मूलाचे वजन,उंची घेऊन आरोग्य तपासणी करण्यात यावी असे पत्र काढले.त्यानूसार तालूक्यात 335 अगंणवाड्या मधून कूपोषीत मूले,गरोदर माता याची तपासणी सूरू झाली आहे.पूढिल 20 दिवस नियमीत स्वरूपात ही मोहीम राबवली जाणार असल्याची माहिती एकात्मिक बालविकास प्रकल्पाचे प्रकल्प अधिकारी अनिकेत पालकर यानी दिली आहे.तालूक्यात आदिवासी विकास विभागाचे वतीने राबविण्यात येत असलेल्या कम्यूनिटी अँक्शन फाँर न्युट्रशिन प्रकल्पाचे कार्यकर्ते,आशा वर्कर आणि स्थानिक अगंणवाडी सेविका या तपासणी मोहिमेत सहभागी आहेत.
Image
सेवेचे ठायी तत्पर* आपला: *प्रविणदत्तुडोंगरे*  Day - ३० 
Image
मा श्री. विनय सुदामपंत शेलुर जेष्ठ सामाजिक कार्यकर्ते यांना कोविड १९ महायोद्धा 2020 (KOVID 19 WARRIORS 2020 ) या पुरस्काराने सन्मानित करण्यात आले.
Image
मा.श्री.शादाब मुलाणी युवासेना पुणे यांना पुणे प्रवाह कोविड - १९ महायोद्धा 2020 PUNE PRAVAH (KOVID19 WARRIORS 2020 ) या पुरस्करांचे मानकरी 
Image
शिवसेनेच्या वतीने छ. शाहू महाराज यांना अभिवादन