कोरोनाशी लढण्यासाठी माथेरान नगरपरिषद खंबीर : प्रेरणा सावंत

पुणे प्रवाह न्युज पोर्टल


 


कोरोनाशी लढण्यासाठी माथेरान नगरपरिषद खंबीर : प्रेरणा सावंत

कर्जत,ता.11 गणेश पवार

               कोरोना विषाणूचा प्रादुर्भाव संपूर्ण जगात वाढतो आहे. या संकटाचा नायनाट करण्यासाठी भारत देशात लॉकडाऊन सुरु करण्यात आले आहे. त्यामुळे जगप्रसिद्ध थंड हवेचे पर्यटन स्थळ असलेले माथेरानच्या सीमा देखील बंद करण्यात आल्या आहेत. कोरोना विषाणूचा प्रादुर्भाव रोखण्यासाठी माथेरानचे प्रवेशद्वारच बंद करण्यात आले आहे. तसेच या संकटाला माथेरानपासून दूर ठेवण्यासाठी माथेरान नगरपरिषद प्रयत्न करीत असून नागरिकांच्या सहकार्याने या संकटाशी दोन हात करण्यासाठी नगरपरिषद खंबीर असल्याचे नगराध्यक्षा प्रेरणा सावंत यांनी सांगितले आहे. 

               माथेरान गिरिस्थान नगरपरिषदेने कोरोना विषाणूचा प्रादुर्भाव  रोखण्यासाठी माथेरानमध्ये येणाऱ्या  पर्यटकांना बंदी घातली आहे. तर शहरातील सर्व नागरिकांना कोरोनाच्या संक्रमणापासून दूर ठेवण्यासाठी आवश्यक त्या सर्व सूचना विविध माध्यमातून देण्यात येत आहे.माथेरान नगरपरिषदेच्या रुग्णालयामध्ये येणार्य रुग्णांसाठी तात्काळ प्राथमिक उपचार करण्यासाठी आवश्यक ती सर्व साधन सामुग्री तयार ठेवण्यात आलेली आहे. यासह आवश्यक त्या प्राथमिक उपचारनंतर गरज भासल्यास पुढील उपचारासाठी पुढे पाठवण्यात येत आहे. कोरोनाला रोखण्यासाठी स्वछता हि महत्वाची असल्याने येथील नागरिकांना सामाजिक संस्थेच्या माध्यमातून सॅनिटायझर,मास्क, इ. साहित्य पुरविण्यात आलेले आहे. नगरपरिषदेच्या माध्यमातून शहरात जंतुनाशकाची फवारणी केली जात आहे.नगरपरिषदेने कम्युवनटी सेंटर,वनविभागाचे विश्रामगृह, भारतीय स्टेट बँकचे विश्रामगृह येथे विलगीकरण कक्ष देखील स्थापन केले आहेत.  माथेरान शहराचे प्रवेशद्वार असलेल्या दस्तुरी नाका या ठिकाणी पुरेसा पोलीस बंदोबस्त ठेिलेला असून येथे नागररकांची तपासणी करण्याकरिता एक वैद्यकीय पथक देखील तैनात करण्यात आलेले आहे. शहरामध्ये कोणतेही विस्थापित कामगार, मजूर असल्याचा सर्वे करण्यात येत असून त्यांना जीवनावश्यक वस्तू पुरविण्याकरीता तांदूळ 10 क्विंटल (प्रती कुटुंब 5 किलो प्रमाणे) किराणा मालाचे साहित्य 200 किट (गोडेतेल 1किलो, मीठ 1 किलो, हळद 100 ग्राम, मसाला 100ग्राम, मिरची पावडर 100 ग्रॅम, साखर 1 किलो, चहा पावडर 250 ग्रॅम, बिस्कीट पुडा 1नग) शासनाकडून प्राप्त होणारे साहित्य सदर कामगार/मजूर यांना वाटप करणेत येणार आहे. तसेच माथेरान नगरपरिषदेने घोड्याना मोफत चारा पुरविणे, लाईट बिल, पाणी बिल माफ करणे, घरपट्टी मध्ये सवलत देणे इ. मागण्या तात्काळ मान्य होणेकरीता वरिष्ठ कायाालयाकडे पाठविलेले आहे.नगरपालिका हद्दीमध्ये एमएमआरडीए मार्फत रस्ते बांधणी पॉईंट सुशोभीकरण कामे सुरु करण्याबाबत पाठपुरवठा करून हि कामे सुरु केलेली आहेत. तसेच या कामांमध्ये स्थानिक नागरिकांना रोजंदारी उपलब्ध करून देण्याबाबत सुचना केलेल्या आहेत, त्यानुसार स्थावनकांना रोजगार उपलब्ध होत आहे. 

                सध्या इतर ठिकाणी कोरोनाचे रुग्ण संख्या वाढताना दिसत आहे. त्या पार्श्वभूमीवर आपल्याघरातील वयस्कर व्यक्ती लहान मुलांची अत्यंत जबाबदारीने काळजी घेणे आवश्यक आहे. माथेरान मधील सर्व नागररकांनी शासन व नगरपररषदेस मोठ्या प्रमाणात सहकार्य केलेले आहे.समाज माध्यमावर कोणत्याही प्रकारच्या अफवा पसरू नका अन्यथा आपल्याला कायदेशीर कारवाईला सामोरे जावे लागेल.आपल्या घरात किंवा आजूबाजूला कोणालाही ताप, खोकला, सदी इ. लक्षणे आढळल्यास तात्काळ नगरपरिषदेच्यारुग्णालयामध्ये उपचारासाठी घेऊन जा अथवा त्याची माहिती प्रशासनास कळवा. माथेरान शहरातील जीवनावश्यक वस्तूंची दुकाने खुली राहण्याची वेळ सकाळी 7 ते संध्याकाळी 7 पर्यंत राहणार आहे. नगरपरिषद आपल्या साथीने कोरोनाशी लढण्यास खंबीर आहे. मात्र तरीही नागररकांनी गर्दी करण्याचे टाळा.अशी माहिती देत आपणास कोणतीही अडचण अथवा सूचना करावयाची असल्यास तातडीनगरपरिषदेच्या 8691079850 / 8806784252 / 8888282758 या संपर्क क्रमांकावर करा असे आवाहन   माथेरान नगरपरिषदेच्या नगराध्यक्षा प्रेरणा सावंत, मुख्याधिकारी बापूराव भोई यांनी माथेरानमधील नागरिकांना केले आहे।.

Popular posts
मुख्य कार्यकारी अधिकाऱ्यांच्या आदेशाने कर्जत तालुक्यातील कुपोषित मूले,गरोदर माता विशेष आरोग्य तपासणी मोहिमेस सुरुवात कर्जत,ता.30 गणेश पवार कोरोना आजाराचा फैलाव रोखणेसाठी मार्च महिन्यापासून कर्जत तालुक्यातील अगंणवाड्या बंद आहेत. अगंणवाड्यात जाणाऱ्या मुलांची तसेच गदोदर महिलाची एका मोहिमेच्या स्वरुपात तपासणी करून अहवाल देण्यात यावे असा आदेश जिल्हा परिषदेचे मूख्य कार्यकारी अधिकारी यानी एका पत्राद्वारे दिले होते. या आदेशानुसार कर्जत तालूक्यात अगंणवाडी मध्ये जाणारे मूले तसेच गरोदर महिलाची विशेष तपासणी सूरू झाली असून कर्जतचा तालूका आरोग्य विभाग व महिला बालविकास विभागाचे वतीने ही विशेष मोहिम राबवीली जात आहे.रायगड जिल्हा परिषदेचे मूख्य कार्यकारी आधिकारी दिलीप हळदे यानी जिल्हा शल्यचिकीत्सक यांचे नावे पत्र काढून जिल्ह्यातील एकुण सर्व्हे झालेल्या 1,तसेच 56,आणि 192 मुलांची तसेच शाळा मध्ये जाणारी मूले व गरोदर महिला याचीआरोग्य तपासणी आणि उपचार करण्याचे आदेश दिले होते . उपमूख्य कार्यकारी (महिला आणि बाल विकास )आधिकारी नितीन मंडलीक यानी कर्जत येथे बैठक घेऊन या विशेष मोहिमेचे नियोजन केले होते.तालूका आरोग्य अधिकारी डॉ सी के मोरे यांनी तालूक्यातील सहा प्राथमिक आरोग्य केन्र्दातील आरोग्य अधिकारी यांनी सर्व मूलाचे वजन,उंची घेऊन आरोग्य तपासणी करण्यात यावी असे पत्र काढले.त्यानूसार तालूक्यात 335 अगंणवाड्या मधून कूपोषीत मूले,गरोदर माता याची तपासणी सूरू झाली आहे.पूढिल 20 दिवस नियमीत स्वरूपात ही मोहीम राबवली जाणार असल्याची माहिती एकात्मिक बालविकास प्रकल्पाचे प्रकल्प अधिकारी अनिकेत पालकर यानी दिली आहे.तालूक्यात आदिवासी विकास विभागाचे वतीने राबविण्यात येत असलेल्या कम्यूनिटी अँक्शन फाँर न्युट्रशिन प्रकल्पाचे कार्यकर्ते,आशा वर्कर आणि स्थानिक अगंणवाडी सेविका या तपासणी मोहिमेत सहभागी आहेत.
Image
सेवेचे ठायी तत्पर* आपला: *प्रविणदत्तुडोंगरे*  Day - ३० 
Image
मा श्री. विनय सुदामपंत शेलुर जेष्ठ सामाजिक कार्यकर्ते यांना कोविड १९ महायोद्धा 2020 (KOVID 19 WARRIORS 2020 ) या पुरस्काराने सन्मानित करण्यात आले.
Image
मा.श्री.शादाब मुलाणी युवासेना पुणे यांना पुणे प्रवाह कोविड - १९ महायोद्धा 2020 PUNE PRAVAH (KOVID19 WARRIORS 2020 ) या पुरस्करांचे मानकरी 
Image
शिवसेनेच्या वतीने छ. शाहू महाराज यांना अभिवादन