महिलांच्या उत्थानासाठी काम करता आल्याचे समाधान रितू छाब्रिया यांची भावना; फिक्की फ्लो पुणे चॅप्टरच्या अध्यक्षपदाचा कार्यकाळ पूर्ण

पुणे प्रवाह न्युज पोर्टल


 


महिलांच्या उत्थानासाठी काम करता आल्याचे समाधान


रितू छाब्रिया यांची भावना; फिक्की फ्लो पुणे चॅप्टरच्या अध्यक्षपदाचा कार्यकाळ पूर्ण


 


पुणे : "वर्षभराच्या कारकिर्दीत 'शहरांकडून गावाकडे' ही संकल्पना घेऊन महिला सबलीकरणाचे अनेक प्रकल्प यशस्वीरीत्या राबवले. विधवा शेतकरी महिलांना शेतीसाठी साहाय्य, एड्सग्रस्त महिलांना शिवण मशीन, शालेय मुलींना सायकल, बचतगटांना व्यवसायासाठी साहाय्य, ज्येष्ठ नागरिकांना शिक्षण व साहाय्य, इन्क्युबेशन सेंटर, मुली व महिलांना कौशल्य प्रशिक्षण, कोरोनावरील उपायासाठी हाकेथॉन, निधी संकलनासाठी मॅरेथॉन असे विविध प्रकल्प राबवून महिलांच्या उत्थानासाठी काम करता आले याचे समाधान वाटते," अशी भावना फिक्की फ्लो पुणे चॅप्टरच्या अध्यक्षा रितू छाब्रिया यांनी व्यक्त केली.


 


फेडरेशन ऑफ इंडियन चेंबर ऑफ कॉमर्स अँड इंडस्ट्रीची (फिक्की) महिला संस्था ‘फिक्की लेडीज ऑर्गनायझेशन’ अर्थात ‘फिक्की फ्लो’च्या अध्यक्षपदाचा कार्यकाळ पूर्ण केल्यानंतर रितू छाब्रिया बोलत होत्या. गेल्या वर्षात या सर्व उपक्रमांच्या यशस्वीतेसाठी परिश्रम घेणाऱ्या सहकारी, सदस्य व कर्मचाऱ्यांचेही त्यांनी आभार मानले.


 


रितू छाब्रिया म्हणाल्या, "ग्रामीण आणि शहरी भागातील महिलांच्या समन्वयातून काम करण्याचा प्रयत्न केला. जवळपास १५०० महिला आज स्वावलंबी झाल्या आहेत. उस्मानाबाद जिल्ह्यातील १०० विधवा शेतकरी महिलांना बियाणे देऊन त्यांना शेती करण्यास प्रोत्साहन दिले. यातील ६० टक्के महिला उत्तम शेती करत आहेत. भारत ऍग्रो इंडस्ट्रीज फाउंडेशनच्या सहकार्याने ४० महिलांना कौशल्यविकास, कायदेशीर अधिकार आणि ऑनलाईन विक्री याचे प्रशिक्षण दिले. एचआयव्हीग्रस्त महिलांना शिलाईमशीन व प्रशिक्षण दिले. आज त्या महिला मुख्य प्रवाहात येत आहेत. आयटीआय आणि टाटा स्ट्राईव्हच्या मदतीने १४७ तरुणींना विविध व्यावसायिक अभ्यासक्रम शिकवले जात आहेत. 'स्वयम'अंतर्गत फ्लो सदस्यांसाठी विविध कार्यशाळा आणि मार्गदर्शन सत्रे घेतली."


 


"नवउद्योजकांना प्रोत्साहन देण्यासाठी सायन्स अँड टेक्नॉलॉजी पार्कच्या सहकार्याने इन्क्युबेशन प्रकल्प सुरु केला. ज्येष्ठ नागरिकांना अक्षरओळख व्हावी म्हणून आजीबाईचा शाळा सुरु केली. ग्रामीण भागातील मुलींना शाळेत जाण्याची सोय व्हावी, याकरिता २२५ मुलींना सायकलचे वाटप करण्यात आले. निधी संकलनाच्या दृष्टीने 'फ्लो बाजार' आणि 'फ्लो मॅरेथॉन' महत्वाची ठरली.  'फ्लो बाजार'मधून मिळालेला निधी महिलांच्या कौशल्य विकास प्रशिक्षणासाठी देण्यात आला. या उपक्रमाला माणदेशी फाउंडेशनच्या चेतना सिन्हा यांनी प्रोत्साहन दिले. फ्लो मॅरेथॉनमध्ये ९१०० लोकानी भाग घेतला. १० आणि २१ किलोमीटरमध्ये ही मॅरेथॉन झाली. 'एम्स' आणि 'पीडीडीएए' यांच्याकडून मॅरेथॉनचा गौरव झाला. गौरी शाहरुख खान यांच्यासह पुण्यातील अनेक नामवंत या उपक्रमात सहभागी झाले. यातून ५१ लाख रुपये संकलित झाले. विविध उपक्रमासांठी हा निधी वापरला गेला. वर्षभरात जवळपास ६७ उपक्रम राबवले गेले. याबरोबरच कृषी महाविद्यालयातील सात, तर नर्सिंगच्या चार विद्यार्थीना चार वर्षांकरिता शिष्यवृत्ती दिली जाणार आहे. यावर्षी सुरु केलेले उपक्रम पुढेही सुरु राहावेत, यासाठी हा निधी वर्ग केला आहे," असे छाब्रिया यांनी नमूद केले. 


 


कोरोनातील लढ्यात सहभाग


सध्या संपूर्ण जग कोरोनाग्रस्त आहे. यावर उपाय शोधण्यासाठी विविध संस्थांच्या सहकार्याने 'हॅक द कॉज इंडिया-ऑनलाईन हाकेथॉन' घेण्यात आली आहे. २५०० हजार लोकांनी यात भाग घेतला. त्यातून पाच विजेत्यांकडून त्यावर संशोधन सुरु आहे. कोरोनाच्या या काळात फ्लो सदस्य विविध मार्गाने समाजासाठी योगदान देत आहेत. पुणे चॅप्टरकडून कोविड रुग्णालयांना मदत केली जात आहे. सप्टेंबरमध्ये पुरग्रस्तांनाही मदत केली होती. जवळपास सहा लाख रुपये यासाठी खर्च करण्यात आले आहेत. धान्य कीट्सही वाटण्यात येत आहेत. लॉकडाउनच्या काळातही फ्लो पुणेचे कार्य सुरु असून, तज्ज्ञांचे २५ लाईव्ह सत्र घेण्यात आले आहेत. भारत दाभोलकर, रजनीश कुमार, सीमा समृद्धी आदी तज्ज्ञांनी मार्गदर्शन केले आहे. आरोग्य, शिक्षण, शेती, कौशल्य विकास आदी क्षेत्रात फ्लो भरीव योगदान देत आहे. 'फ्लो'च्या अनेक उपक्रमांचे माजी मंत्री चंद्रकांतदादा पाटील, कौशल्य विकास मंत्री नवाब मलिक अतिरिक्त आयुक्त डॉ. परकाळे यांच्यासह इतर मान्यवरांनी कौतूक केले असल्याचे त्यांनी सांगितले


Popular posts
मुख्य कार्यकारी अधिकाऱ्यांच्या आदेशाने कर्जत तालुक्यातील कुपोषित मूले,गरोदर माता विशेष आरोग्य तपासणी मोहिमेस सुरुवात कर्जत,ता.30 गणेश पवार कोरोना आजाराचा फैलाव रोखणेसाठी मार्च महिन्यापासून कर्जत तालुक्यातील अगंणवाड्या बंद आहेत. अगंणवाड्यात जाणाऱ्या मुलांची तसेच गदोदर महिलाची एका मोहिमेच्या स्वरुपात तपासणी करून अहवाल देण्यात यावे असा आदेश जिल्हा परिषदेचे मूख्य कार्यकारी अधिकारी यानी एका पत्राद्वारे दिले होते. या आदेशानुसार कर्जत तालूक्यात अगंणवाडी मध्ये जाणारे मूले तसेच गरोदर महिलाची विशेष तपासणी सूरू झाली असून कर्जतचा तालूका आरोग्य विभाग व महिला बालविकास विभागाचे वतीने ही विशेष मोहिम राबवीली जात आहे.रायगड जिल्हा परिषदेचे मूख्य कार्यकारी आधिकारी दिलीप हळदे यानी जिल्हा शल्यचिकीत्सक यांचे नावे पत्र काढून जिल्ह्यातील एकुण सर्व्हे झालेल्या 1,तसेच 56,आणि 192 मुलांची तसेच शाळा मध्ये जाणारी मूले व गरोदर महिला याचीआरोग्य तपासणी आणि उपचार करण्याचे आदेश दिले होते . उपमूख्य कार्यकारी (महिला आणि बाल विकास )आधिकारी नितीन मंडलीक यानी कर्जत येथे बैठक घेऊन या विशेष मोहिमेचे नियोजन केले होते.तालूका आरोग्य अधिकारी डॉ सी के मोरे यांनी तालूक्यातील सहा प्राथमिक आरोग्य केन्र्दातील आरोग्य अधिकारी यांनी सर्व मूलाचे वजन,उंची घेऊन आरोग्य तपासणी करण्यात यावी असे पत्र काढले.त्यानूसार तालूक्यात 335 अगंणवाड्या मधून कूपोषीत मूले,गरोदर माता याची तपासणी सूरू झाली आहे.पूढिल 20 दिवस नियमीत स्वरूपात ही मोहीम राबवली जाणार असल्याची माहिती एकात्मिक बालविकास प्रकल्पाचे प्रकल्प अधिकारी अनिकेत पालकर यानी दिली आहे.तालूक्यात आदिवासी विकास विभागाचे वतीने राबविण्यात येत असलेल्या कम्यूनिटी अँक्शन फाँर न्युट्रशिन प्रकल्पाचे कार्यकर्ते,आशा वर्कर आणि स्थानिक अगंणवाडी सेविका या तपासणी मोहिमेत सहभागी आहेत.
Image
सेवेचे ठायी तत्पर* आपला: *प्रविणदत्तुडोंगरे*  Day - ३० 
Image
मा श्री. विनय सुदामपंत शेलुर जेष्ठ सामाजिक कार्यकर्ते यांना कोविड १९ महायोद्धा 2020 (KOVID 19 WARRIORS 2020 ) या पुरस्काराने सन्मानित करण्यात आले.
Image
मा.श्री.शादाब मुलाणी युवासेना पुणे यांना पुणे प्रवाह कोविड - १९ महायोद्धा 2020 PUNE PRAVAH (KOVID19 WARRIORS 2020 ) या पुरस्करांचे मानकरी 
Image
शिवसेनेच्या वतीने छ. शाहू महाराज यांना अभिवादन