पुणे प्रवाह न्युज पोर्टल
अक्षय कोठावळे यांच्या कडून हजारो गरजू नागरिकांना अन्नदान , N-95 मास्क , सैनीटायझर व अन्नधान्याचे किट वाटप. 
कोरोनाच्या पार्श्वभूमीवर संपूर्ण भारत देश गेले 2 महिने लॉकडाउन मध्ये आहे. या लॉकडाउनमध्ये सर्व जनता घरातच आहे.अर्थव्यवस्था पूर्णपणे बंद झाली असून लाखो जनतेचे अतोनात हाल होत आहेत.याची जाण सह्याद्री सेवा संघाने ठेवली व पुणे शहरामध्ये अडकून पडलेले व छोटे व्यवसाय करून संसार चालवणाऱ्या मजूर, शिक्षणासाठी बाहेरगावाहून आलेले विद्यार्थी, बेघर नागरिक, अपंग नागरिक, अंध, वृद्ध, अशा गरजवंतांना सह्याद्री सेवा संघाच्या वतीने अन्नदान ,N 95 मास्क , सैनेटायझर व अन्नधान्याचे किट वाटप करण्यात येत आहे. गेले दोन महिने प्रत्येक दिवशी गरजवंतना हा दानयज्ञ अविरत सुरु आहे.
पुणे शहर,पुणे शहराचा मध्यवर्ती भाग आणि आजूबाजूचा परिसर,येरवडा, वानवडी,शिवाजीनगर,पुणे स्टेशन एरिया,पर्वती,हडपसर,घोरपडी, मार्केटयार्ड या भागातील राहणाऱ्या नागरिकांना अन्नदानाची व इतर सेवा निरंतर चालू आहे. सह्याद्री सेवा संघाचे अध्यक्ष अक्षय कोठावळे यांना त्यांचे सहकारी रवींद्र गायकवाड हे देखील अमूल्य सहकार्य करीत आहेत .
माननीय अक्षय कोठावळे यांनी अथक प्रयत्न करून लाखो रुपयांची तजवीज करून हा दान यज्ञ सुरु ठेवला आहे. आपल्या जीवनातील वेळेचा,ओळखीचा या कठीण प्रसंगात त्यांनी योग्य उपयोग करून समाजापुढे आदर्श ठेवला आहे.
हा उपक्रम लॉक डाउन संपेपर्यंत चालू ठेवणार असल्याचे सह्याद्री सेवा संघांचे अध्यक्ष अक्षय कोठावळे यांनी सांगितले.
