पुणे प्रवाह न्युज पोर्टल
पुणे विभागात 28 हजार 532 क्विंटल अन्नधान्याची तर
7 हजार 489 क्विंटल भाजीपाल्याची आवक
-विभागीय आयुक्त डॉ.दीपक म्हैसेकर
पुणे, दि. 7 : सध्याच्या लॉकडाऊन काळात पुणे विभागात अन्नधान्य व भाजीपाल्याचा पुरेसा साठा उपलब्ध आहे. विभागात अंदाजे 28 हजार 532 क्विंटल अन्नधान्याची तर 7 हजार 489 क्विंटल भाजीपाल्याची आवक मार्केटमध्ये झाली आहे. विभागात 2 हजार 661 क्विंटल फळांची आवक तसेच कांदा-बटाटयाची आवक 6 हजार 298 क्विंटल इतकी झाली आहे, अशी माहिती विभागीय आयुक्त डॉ. दीपक म्हैसेकर यांनी दिली आहे.
पुणे विभागात 29 हजार 64 स्थलांतरित मजुरांची सोय
1 लाख 8 हजार 664 मजुरांना भोजन
सध्याच्या लॉकडाऊन परिस्थितीत स्थलांतर केलेल्या मजुरांसाठी जिल्हा प्रशासनामार्फत 159 कॅम्प, कामगार विभागामार्फत 68 कॅम्प तर साखर कारखान्यांमार्फत 169 कॅम्प असे पुणे विभागात एकुण 396 रिलीफ कॅम्प उभारण्यात आले आहेत. या कॅम्पमध्ये 29 हजार 64 स्थलांतरित मजूर असून 1 लाख 8 हजार 664 मजुरांना भोजन देण्यात येत आहे, अशी माहिती विभागीय आयुक्त डॉ. दीपक म्हैसेकर यांनी दिली.
आरोग्य सेवेसाठी असलेला उपलब्ध साठा
विभागामध्ये कोरोनाच्या उपचारासाठी अत्यावश्यक असलेला पुरेसा साठा उपलब्ध आहे. प्राप्त
माहितीनुसार दि. 04.05.2020 अखेर विभागामध्ये N-95 मास्क ची उपलब्ध संख्या 1,48,054 एवढी आहे. त्याचप्रमाणे PPE kit 51,573 उपलब्ध आहे Triple Layer Face Mask हे 17,95,556 एवढे उपलब्ध आहेत.
00000
