☝ *मुंबई पोलीस दलातील बहिर्जी नाईक.*👍
*अद्याप पर्यंत हरवलेल्या 700 व्यक्तींना काढले शोधून*
⭕शत्रूच्या गोटात जाऊन वेश बदलून त्यांच्यातला एक बनून माहिती काढणारे शिवरायांच्या गुप्तहेर खात्याचे प्रमुख बहिर्जी नाईक यांच्या चातुर्याच्या, शौर्याच्या कथा आपण ऐकल्या असतील. असाच एक बहिर्जी नाईक मुंबई पोलीस दलात कार्यरत आहे. हेड कॉन्स्टेबल राजेश पांड्ये असं यांचं नाव आहे. स्वत: चा वेश बदलून पांडेय यांनी आजवर 'मिसिंग'ची तक्रार आलेली तब्बल ७०० प्रकरणं निकाली काढली आहेत.
राजेश पांडेय यांनी भारतभर फिरून बेपत्ता झालेल्या अनेकांचा शोध लावलाय. मिसिंग'ची तक्रार आलेल्या अनेकांचा शोध घेण्यासाठी त्यांनी दिल्लीपासून थेट दार्जिलिंग गाठलंय. 'एखाद्या गुन्ह्याचा तपास करण्यापेक्षा मला बेपत्ता लोकांना शोधून काढून त्यांची आपल्या कुटुंबीयांशी भेट घडवून देणं मला अधिक महत्त्वाचं काम वाटतं. त्यातही बेपत्ता झालेल्या लहान मुला-मुलींना आपल्या आई-वडिलांकडे सुखरुप पोहोचवण्यासारखं समाधानाचं काम नाही असं मला वाटतं' असं ५२ वर्षांचे राजेश पांडेय सांगतात.
असं आहे 'पांडेय मॉड्यूल'...
बेपत्ता लोकांचा शोध घेण्याची राजेश पांडेय यांची ही अनोखी पद्धत पाहून मुंबईचे माजी पोलीस आयुक्त दत्ता पडसलगीकर यांनी त्यांच्या शोधमोहिमेच्या पद्धतीला 'पांडेय मॉड्यूल' असं नाव दिलंय.
२०१४ मध्ये, घरकाम करणारी मुलगी बेपत्ता झाल्याची केस आली होती. राजेश पांडेय यांच्याकडे या प्रकरणाच्या तपासाची जबाबदारी सोपविण्यात आली. राजेश पांडे यांनी सांगितले की, 'या प्रकरणात आम्हाला तपास केल्यावरही फार काही हाताशी लागले नव्हते. मात्र, एक दिवस अचानक त्या मोलकरणीनं तिच्या मालकिणीला फोन केला आणि आम्ही तो नंबर ट्रेस करत तिला शोधायला बंगलाच्या एका गावी पोहोचलोय. तिथे एका छोट्या परगण्यात ती आम्हाला सापडली.'
⭕कुरिअर बॉय बनून गाठलं घर...
राजेश पांडेय यांनी आपल्या साथीदारांच्या सहाय्यानं बंगाल गाठलं. मोलकरणीनं ज्या नंबरवरून फोन केला त्या फोन नंबरवरील नोंदणीकृत पत्ता अस्पष्ट होता. ती मोलकरीण नेमकी कुठे आहे हे शोधून काढण्यासाठी शक्कल लढवण्यात आली. पांडेय यांनी त्या नंबरवर पुन्हा फोन करण्याचा सल्ला दिला. एका कुरिअर कंपनीकडून गिफ्ट पार्सल पाठवायचे आहे असं सांगून पत्ता मागायला सांगितला. त्यानंतर पांडेय स्वत: कुरिअर बॉय बनून त्या पत्त्यावर पोहोचले.
⭕सूत्रांची माहिती...
बंगालमध्ये पोहोचल्यावर पांडेय यांच्या लक्षात आले की त्या मोलकरीण मुलीचं लग्न लावून देण्यात आलं असून तिच्या आई-वडिलांशी बोलण्यासदेखील मनाई करण्यात आली. पांडेय यांनी त्या परिसरातील टेलर, गेस्ट हाऊसचे मालक, हॉटेलमधील कामगार अशा अनेकांशी ओळख काढून सापळा रचून तिची सुटका केली.
⭕राजेश पांडेय यांनी आपल्या २६ वर्षांच्या करिअरमध्ये तब्बल ७०० बेपत्ता लोकांना शोधून काढलं आहे.
- निताशा नातू.
