दख्खनचा राजा ज्योतिबा’ मालिकेत मोठ्या ज्योतिबाची होणार एण्ट्री

पुणे प्रवाह न्युज पोर्टल 



दख्खनचा राजा ज्योतिबा’ मालिकेत मोठ्या ज्योतिबाची होणार एण्ट्री


पुणे :- ‘दख्खनचा राजा ज्योतिबा’ मालिका आता अतिशय उत्कंठावर्धक वळणावर येऊन पोहोचली आहे. आतापर्यंत छोट्या ज्योतिबाचं मालिकेत दर्शन होत होतं. आता लवकरच मोठ्या ज्योतिबाची मालिकेत एण्ट्री होणार आहे. असुरांचा नाश करण्यासाठीच ज्योतिबा अवतारी रुपात येणार आहे. केदार विजय ग्रंथातील काही भागांना अनुसरुन कथा गुंफण्यात आल्यामुळे प्रेक्षकांना आता मालिकेच्या रुपात ज्योतिबाच्या भव्यदिव्य रुपाचं दर्शन घेता येणार आहे.


ज्योतिबाच्या या भव्यदिव्य रुपासोबतच यमाई आणि चोपडाई यांच्यादेखिल अवताराची गोष्ट मालिकेमध्ये उलगडणार आहे. त्यामुळे ‘दख्खनचा राजा ज्योतिबा’ मालिकेचे यापुढील भाग भक्तीरसाने परिपूर्ण असे असतील.


अभिनेता विशाल निकम मोठ्या ज्योतिबाच्या भूमिकेत दिसणार असून या भूमिकेसाठी त्याने बरीच मेहनत घेतली आहे. ज्योतिबाच्या अनेक पौराणिक कथा वाचण्यासोबतच सर्वात महत्त्वाची गोष्ट विशालने आत्मसात केली ती म्हणजे घोडेस्वारी. कमी कालावधीत विशाल घोडेस्वारी करायला शिकला आहे. यासोबतच विशालने या भूमिकेसाठी १२ किलो वजनही वाढवलं आहे. मुळचा सांगलीचा असल्यामुळे कोल्हापुरी भाषेचा लहेजा त्याला आपसुकच येत होता. दख्खनचा राजा ज्योतिबा मालिकेच्या यापुढील प्रवासासाठी विशाल खुपच उत्सुक आहे.


तेव्हा पाहायला विसरु नका दख्खनचा राजा ज्योतिबा सोमवार ते शनिवार सायंकाळी ६.३० वाजता फक्त स्टार प्रवाहवर.


Popular posts
छत्रपती संभाजी महाराज पुण्यतिथी.
Image
राम उत्तम गालफाडे मा. पोलीस अधिकारी यांना पुणे प्रवाह कोविड - १९ महायोद्धा 2020 PUNE PRAVAH (KOVID19 WARRIORS 2020 ) या पुरस्करांचे मानकरी
Image
महाराष्ट्राचे मामु आणि सध्याचे विरोधी पक्षनेते देवेंद्र फडणवीस साहेब खोटं बोलायचं आणि रेटून बोलायचं ही भाजप वाल्यांची जुनी खोड...... विशाल भोसले. कट्टर राष्ट्रवादी काँग्रेस समर्थक
कोरोना काळातील सेवेबद्दल डॉ.सुनीता मोरे यांचा गौरव
उप प्रादेशिक परिवहन कार्यालय, पिंपरी – चिंचवड येथे  ऑनलाईन अपॉंइटमेंट असणा-यांनी चाचणीकरीता हजर राहण्याचे आवाहन