पुणे प्रवाह न्युज पोर्टल
शिवाजीनगर येथील माळी समाजातील जेष्ठ सामाजिक कार्यकर्ते निवृत्ती सदाशिव बोरावके उर्फ अण्णा यांचे वृद्धापकाळाने निधन झाले .ते ८६ वर्षांचे होते . त्यांच्यामागे पत्नी , दोन मुले , सुना व नातवंडे असा परिवार आहे .
माळी समाजातील गेली ४५ वर्षांपासून पाच हजार विवाह त्यांनी जुळविले होते . आदेश बोरावके वधू वर सूचक केंद्राचे ते संचालक होते . विवाह जमविताना आलेल्या अनुभवाचे त्यांनी " कुर्यात सदा मंगलम " हे पुस्तक लिहले होते . महाराष्ट्रातील माळी वधू वर केंद्राचे आधारस्तंभ होते . देशातील परदेशातील हजारो वधू वरांचे संसार जुळवून आणले . माळी समाजातील वधू वरांच्या अनुरूप जोडया जमविल्या . महाराष्ट्र शासनाच्या जलसंधारण खात्यामधून मृदू सर्वेक्षक म्हणून काम करून सेवानिवृत्त झाले होते .
