कॉव्हेस्ट्रोचे मुख्य कार्यकारी अधिकारी युरोपातील प्लास्टिक संघटनेचे नेतृत्व करणार

पुणे प्रवाह न्युज पोर्टल 


 


 



 


· शाश्वतता व सर्क्युलर इकॉनॉमी यावर विशेष भर


 


पुणे, 27 जून, 2020 : - कॉव्हेस्ट्रोचे मुख्य कार्यकारी अधिकारी डॉ. मार्कस स्टेलेमन हे प्लास्टिक्सयुरोप या युरोपातील प्लास्टिक उत्पादकांच्या संघटनेचे नवे अध्यक्ष म्हणून नियुक्त झाले आहेत. पुढील तीन वर्षांसाठी 50 वर्षीय डॉ. मार्कस यांची नियुक्ती बुधवारी करण्यात आली. प्लास्टिक्सयुरोपला मान्यता व प्रसिद्धी मिळण्यासाठी योगदान देणारे डाउ केमिकल्सचे जेव्हिअर कॉन्स्टेन्टे यांच्याकडून ते पदाची सूत्रे स्वीकारणार आहेत स्टेलेमन यांना शाश्वततेला चालना देणे आणि प्रामुख्याने सर्क्युलर इकॉनॉमी या क्षेत्रांतील संघटनेच्या कार्यावर अधिक भर द्यायचे आहे. 


 


"अनेक जागतिक आव्हाने विचारात घेता, खऱ्या अर्थी शाश्वत भविष्य निर्माण करण्यासाठी, तसेच सर्क्युलर इकॉनॉमी अंगिकारण्यासाठी प्लास्टिक अतिशय महत्त्वाचे आहे," असे स्टेलेमन यांनी नमूद केले. "या संदर्भात, नवी उत्पादने तयार करण्यासासाठी संसाधने म्हणून एंड-ऑफ-लाइफ मटेरिअल आणि टाकाऊ साहित्य यांचा वापर करणे महत्त्वाचे आहे. कोणत्याही परिस्थितीत हे साहित्य अनियंत्रित पद्धतीने पर्यावरणामध्ये जाऊ देऊ नये. याचबरोबर, प्लास्टिक हे साहित्य शाश्वत असल्याने त्याचा वापर जास्तीत जास्त क्षेत्रांमध्ये करणे गरजेचे आहे. अशा प्रकारे आपला उद्योग युरोपला शाश्वततेच्या दिशेने जाण्यासाठी मदत करू शकतो." 


 


प्लास्टिक्सयुरोपमधील नव्या पदाबरोबरच, स्टेलेमन यांची नियुक्ती जर्मन असोसिएशन ऑफ केमिकल इंडस्ट्रीजचे (व्हीसीआय) उपाध्यक्ष म्हणून नुकतीच करण्यात आली आहे. ते युरोपीयन केमिकल इंडस्ट्री कौन्सिलचे सदस्य आणि सुसचेम युरोपीयन टेक्नालॉजी प्लॅटफॉर्म फॉर सस्टेनेबल केमिस्ट्रीचे अध्यक्षही आहेत. ब्रुसेल्स, फ्रँकफर्ट, लंडन, माद्रिद, मिलान व पॅरिस येथे केंद्रे असलेली प्लास्टिक्सयुरोप जगभरातील शंभर कंपन्यांचे प्रतिनिधीत्व करत असून, या कंपन्या युरोपीय युनियनमधील 27 सदस्यांमध्ये, तसेच नॉर्वे, स्वित्झर्लंड, तुर्कस्तान व युके येथे 90% हून अधिक पॉलिमर्सची निर्मिती करतात.


Popular posts
*माँसाहेब मीनाताई ठाकरे यांच्या जयंतीनिमित्त प्रतिमेस ना.डॉ.गोऱ्हे यांनी केले पुष्पहार अर्पण...*
बीगॉसची मनीटॅपसह भागीदारी
Image
कोरोना विषयी काळजी म्हणून .......दशक्रिया विधीस उपस्थित न राहणे बाबत*...
Image
माथेरानच्या डोंगरातील कड्यावरचा गणपती खुणावतोय.. निसर्गराजा गणपती नावाने फेमस गणपती बाप्पा मूर्ती आणि छत्रपती शिवाजी महाराज यांच्या पुतळ्याची प्रतिष्ठापना
श्री शंतनु भामरे यांची *राष्ट्रीय चेअरमन संशोधन आणि विकास सेल आणि राष्ट्रीय सोशल मीडिया प्रभारी* निवड - अखिल भारतीय सुवर्ण संस्था सामाजिक विकास व संशोधन संस्था ( ABSSVSS)