माथेरानमध्ये लॉकडाऊनचा बळी,व्यवसाय नसल्याने अश्वचालकाने घेतला गळफास

पुणे प्रवाह न्युज पोर्टल


 


माथेरानमध्ये लॉकडाऊनचा बळी,व्यवसाय नसल्याने अश्वचालकाने घेतला गळफास 

नेरळ,ता.10 गणेश पवार

                     मुंबई पासून सर्वात जवळ असलेले माथेरान हे पर्यटनस्थळ 17 मार्च पासून पर्यटन व्यवसायासाठी बंद आहे.व्यवसाय बंद असल्याने अश्वचालक यांची उपासमार सुरू आहे,लॉक डाऊन उठत नसल्याने अखेर एका 43 वर्षीय अश्वचालकाने आत्महत्या करून स्वतःला संपवून घेतले.दरम्यान, विदर्भातील असंख्य कामगार मध्ये हातरिक्षा ओढण्याचे आणि अश्वचालक म्हणून काम करतात आणि आपल्या घरी काहीही मदत पाठवू शकले नसल्याने त्यांनी स्वतःला संपवून घेतले.

            सध्या महाराष्ट्रात कोरोना बाधीतांची संख्या दिवसेंदिवस झपाट्याने वाढत असुन राज्य सरकारने या परिस्थितीला नियंत्रणात आणण्याकरिता लॉकडाऊन  वाढवल्याने राज्यात अनेक मजुर अडकुन पडले आहेत.अशातच माथेरान येथे घोड्यावर चालकाचे काम करण्यासाठी आलेला विलास धर्माजी कांबळे वय 43 वर्षीय राहणार ढोनी मनोरा जिल्हा वाशिम याने गळफास घेऊन आपले जीवन संपवले.

                      सदर घटनेतील मयत विलास कांबळे हा गेले पाच वर्षापासुन पंचवटी नगर माथेरान येथील अशरद महाबळे या घोडे मालकाकडे मजुर कामासाठी राहत होता.लॉकडाऊन मुळे येथील पर्यटन व्यवसाय ठप्प झाल्यामुळे हातातील कामच बंद झाले आपल्या कुटुंबाचा प्रपंच कसा चालवावा या विचाराने चिंताग्रस्त असलेल्या विलासला लॉकडाऊनमुळे गावाकडे जाण्यासाठी देखील मिळत नव्हते.यामुळे पत्नी मुलांच्या विरहाने मानसिक तनावाखाली आसल्यामुळे आज 9 मे रोजी महाबळे यांच्या घरा शेजारील घोड्यांच्या तबेल्यात या मजुराने गळफास घेतल्याची येथील स्थानिकांमध्ये चर्चा  आहे.या घटनेची माहीती माथेरान पोलिसांना मिळताच  घटनास्थळी धाव घेऊन सहा. पो.निरीक्षक प्रशांत काळे यांच्या मार्गदर्शनाखाली पोलिस हवालदार शिवाजी पानपट्टे,पोलिस शिपाई श्याम जाधव, यांनी घटनेचा पंचनामा करुन माथेरान पोलिस ठाण्यात अकस्मित मृत्युची नोंद करण्यात आली आहे. विलास याचा मृतदेह शवविच्छेदना करिता बि.जे. हॉस्पिटल माथेरान येथे पाठविण्यात आला आहे.

 

Popular posts
वर्दी बाजूला ठेवून दोन हात करा, मग आम्ही दाखवतो,” म.न.से.चं पोलिसांना जाहीर आव्हान
मनिषा हिला श्रद्धांजलि वाहण्यासाठी राजीव गांधी विचार प्रसारक मंडळ ट्रस्ट,अखिल भारतीय मानव कल्याण समिति, अरविंद शिंदे मित्र परिवारऻच्या वतीने राजीव गांधी वाचनालय,ससुन वसाहत ते डाॅ.बाबासाहेब उद्यान,पुणे स्टेशन पर्यंत कॅन्डल मार्च चे आयोजन
Image
स्त्री शिक्षणाचे जनक, महान क्रांतिकारक, उत्तम उद्योजक,क्रांतिसूर्य महात्मा जोतीबा फुले* यांची आज जयंती…  त्यानिमित्त महात्मा फुले यांना *विनम्र अभिवादन !!!*
Image
एम. सी.ई सोसायटीच्या इंग्लीश मिडियम स्कूल आयोजित क्रीडा करंडक स्पर्धेत 'सर सय्यद अहमद हाऊस' विजयी*                                                                                    
Image
कोंढवी किल्लय़ावर शिवकालीन मूर्ती सापडल्या