शेअर बाजारात घसरण; बँकिंग, वाहन आणि ऊर्जा क्षेत्रांना बसला फटका

पुणे प्रवाह न्युज पोर्टल


 


शेअर बाजारात घसरण; बँकिंग, वाहन आणि ऊर्जा क्षेत्रांना बसला फटका


मुंबई, १५ एप्रिल २०२०: आज बाजार उघडताच सेन्सेक्सने ५०० अंकांची झेप घेतली. दुपारपर्यंत सेन्सेक्सने ३१,५६८ अंकांवरून १,३०० अंकांची कामाई केली. पण बाजार बंद होताना तो ३०.३९८ अंकांवर बंद झाला. निफ्टीतही हाच कल दिसून आला आणि तो ०.७६ टक्क्यांनी खाली घसरून थांबला. बँक, वाहन आणि ऊर्जा क्षेत्रांना अधिक फटका बसल्याचे एंजल ब्रोकिंग लिमिटेडचे प्रमुख सल्लागार श्री अमर देव सिंह यांनी सांगितले. 


निफ्टी बँकेत कोटक बँकेला सर्वाधिक तोटा सहन करावा लागला असून तो ६.१७ टक्के एवढा होता. एचडीएफसी बँकेचे शेअर्सदेखील ३.५८% नी घसरले. त्यानंतर बंधन बँकेचे ३.२१% तर बँक ऑफ बडोदाचे शेअर्स १.८१%नी घसरले. इतर इंडसइंड बँक, आरबीएल बँक, फेडरल बँकेने अनुक्रमे १.८ ते ३.३% दरम्यान वृद्धी केली. हिरो मोटोकॉर्प, टीव्हीएस मोटर आणि मारुती सुझूकी यांचे शेअर्स एनएसई‌वर अनुक्रमे ४.९५%, ४.६६% आणि ३.५७%नी घसरले. आरआयएल, टाटा पॉवर, ओएनजीसी आणि पॉवर ग्रिडमधील घसरणीसह ऊर्जा क्षेत्रातील शेअर्सनाही मोठा फटका बसला.


एफएमसीजीचा चढा मार्ग:


३० एप्रिलपासून लॉकडाऊन शिथील होण्याच्या आशेने बुधवारी एफएमसीजी क्षेत्राने मात्र शेअर बाजाराला चांगलाच आधार दिल्याचे श्री अमर देव सिंह यांनी सांगितले. निफ्टीमध्ये हिंदुस्तान युनिलिव्हर, ब्रिटानिया इंडस्ट्रीज, डाबर, नेस्टले, आयटीसी आणि मॅरीकोसारख्या कंपन्यांचे शेअर्स वाढले. बंद होताना ते ४ टक्क्यांच्या वृद्धीवर होते. युनायटेड ब्रेवरीज, युनायटेड स्पिरीट्स, पी अँड जी व इमामी या कंपन्यांचे शेअर्स शेवटच्या काही तासात तणावाखाली दिसल्या. एस अँड पी बीएसई एफएमसीजीदेखील ४.३३% च्या वृद्धीवर गेला. या ४३ कंपन्या फायद्यात तर २५ कंपन्यांच्या शेअर्सचे भाव घसरले. या गटात डीएफएम फुड्सचे शेअर्स संपूर्ण दिवसाच्या व्यापारात १९.९९ टक्क्यांनी वाढले.


फार्मा कंपन्यांतही उदासीनता:


निफ्टी फार्माने आज बाजारातून दुरावा राखल्याचे चित्र असून ते क्षेत्र ०.०६% ची घसरण घेऊन बंद झाले. या यादीतील फक्त डिव्हिस लॅबोरेटरी, ऑरबिंदो फार्मा आणि डॉ. रेड्डीज लॅबोरेटरी या तीन कंपन्यांचे शेअर्स फायद्यात होते. कॅडिला हेल्थचे शेअर्स ४.१४% तर टोरेंट फार्माचे शेअर्सदेखील ३.३२% नी घसरले.


Popular posts
वर्दी बाजूला ठेवून दोन हात करा, मग आम्ही दाखवतो,” म.न.से.चं पोलिसांना जाहीर आव्हान
मनिषा हिला श्रद्धांजलि वाहण्यासाठी राजीव गांधी विचार प्रसारक मंडळ ट्रस्ट,अखिल भारतीय मानव कल्याण समिति, अरविंद शिंदे मित्र परिवारऻच्या वतीने राजीव गांधी वाचनालय,ससुन वसाहत ते डाॅ.बाबासाहेब उद्यान,पुणे स्टेशन पर्यंत कॅन्डल मार्च चे आयोजन
Image
स्त्री शिक्षणाचे जनक, महान क्रांतिकारक, उत्तम उद्योजक,क्रांतिसूर्य महात्मा जोतीबा फुले* यांची आज जयंती…  त्यानिमित्त महात्मा फुले यांना *विनम्र अभिवादन !!!*
Image
सिनेस्टार अमिताभ बच्चन यांच्या वाढदिवसानिम्मित त्यांनी बच्चन यांचे विशेष रेकॉर्ड्स संग्रह सर्वांना पाहण्याकरिता खुला
Image
खरीप हंगामाचे काटेकोर नियोजन करा*                                        - उपमुख्यमंत्री अजित पवार   * पुणे जिल्हा खरीप हंगाम आढावा बैठक
Image