पुणे प्रवाह न्युज पोर्टल
भारत बंदला पाठिंबा भारतीय धर्मनिरपेक्ष पक्ष कामगार युनियनचा जाहीर पाठिंबा
पुणे : केंद्र सरकारने मंजूर केलेल्या कृषी कायद्यांविरोधात दिल्लीत शेतकऱ्यांचे आंदोलन सुरू आहे. या आंदोलनाचा भाग म्हणून बुधवारी (दि. ८) भारत बंदची हाक देण्यात आली आहे. त्यास प्रतिसाद देत अनेक राजकीय पक्षांनी बंदमध्ये सहभागी होण्याचा निर्णय घेतला आहे. भारतीय धर्मनिरपेक्ष पक्ष कामगार युनियन देखील भारत बंदमध्ये सहभागी होणार असून, पक्षाचे महाराष्ट्र प्रदेश अध्यक्ष आणि कामगार नेते मा. संतोष सागवेकार यांनी याबाबत पुणे जिल्हाधिकारी यांना पत्राद्वारे माहिती देण्यात येणार आहे. या निवेदनात म्हटले आहे की,प्रधानमंत्री नरेंद्र मोदी सरकारने आणलेले अनेक कायदे शेतकरीविरोधी आहेत. सरकार केवळ व्यापारीधार्जिणे निर्णय घेत आहे. त्यामुळे कृषिप्रधान देश असतानाही भारतातील शेतकरी देशोधडीला लागले आहेत. सरकारने शेतकरीविरोधी निर्णय मागे घ्यावेत. सरकार हे कायदे मागे घेत नसल्याने मंगळवारी (दि. ८) भारत बंदची हाक देण्यात आली असून, या बंदला भारतीय धर्मनिरपेक्ष पक्ष कामगार युनियनचा जाहीर पाठिंबा असल्याचे निवेदनात म्हटले आहे.
