करोना चाचणीला नागरिकांचा विरोध; पालिका मुख्यालयात ठिय्या आंदोलन

पुणे प्रवाह न्युज पोर्टल


.....


 भाईंदर : भाईंदर पश्चिम येथील गणेश देवल नगर झोपडपट्टी भागात राहणाऱ्या रहिवाशांनी करोना चाचणी करण्यास विरोध दर्शवला आहे. धक्कादायक बाब म्हणजे या सर्व रहिवाशांनी पालिका मुख्यालयात येऊन चक्क ठिय्या आंदोलन केल्यामुळे प्रशासनाची डोकेदुखी वाढल्याचे दिसून आले. मीरा-भाईंदर शहरात करोनाबाधित रुग्णांची संख्या झपाटय़ाने वाढत आहे. त्यामुळे मीरा-भाईंदर महानगरपालिका प्रशासनाकडून ‘माझे कुटुंब माझी जबाबदारी’ ही मोहीम राबवण्यात येत आहे. त्याअंतर्गत सर्व नागरिकांची करोना चाचणी करण्यात येत आहे; परंतु त्यास भाईंदर पश्चिम भागातील गणेश देवल नगर झोपडपट्टी परिसरात राहणाऱ्या नागरिकांनी विरोध दर्शवला आहे. नागरिकांनी आरोप केले आहेत की, प्रत्येकाची बळजबरीपणाने करोना चाचणी करण्यात येत असून त्यामुळे लहान मुलांच्या आणि महिलांच्या नाकाला इजा होत आहे. तसेच करोनाच्या नावावर गेल्या पाच महिन्यांपासून लादण्यात आलेल्या नियमांमुळे बेरोजगार होण्याची वेळ त्यांवर आली आहे. त्यामुळे ‘आयुक्त बदलो’ अशी घोषणा देत नागरिकांनी पालिका प्रवेशद्वारावर ठिय्या आंदोलन केले.


Popular posts
रॉयल तष्ट आयोजित अभिनेत्री अभिज्ञा भावेचा लग्न सोहळा धूमधडाक्यात संपन्न !* *जेवणाबरोबरच अभिज्ञा भावेच्या लग्नातील कपड्यांचेही कौतुक!*
वाहनांसाठी आकर्षक व पसंतीच्या क्रमांकासाठी* *अर्ज करण्याचे आवाहन*
लष्करप्रमुख जनरल एम एम नरवणे यांनी दक्षिण कमांड पुणे येथील मुख्यालयाला भेट दिली
*कला प्रदर्शनातून गरजू रुग्णांसाठी निधी संकलन*   _"स्पाईन फाऊंडेशन"च्या वतीने दिनांक १८ व १९ जानेवारी रोजी घोले रोड येथे प्रदर्शन_
Image
वर्दी बाजूला ठेवून दोन हात करा, मग आम्ही दाखवतो,” म.न.से.चं पोलिसांना जाहीर आव्हान