महाराष्ट्र शासनाने यंदाची एमएच सीईटी रद्द करावी खासगी विद्यापीठांच्या पेरा संघटनेकडून मागणी

पुणे प्रवाह न्युज पोर्टल 


 


कृपया प्रसिद्धीसाठी दि. २० ऑगस्ट २०२०



पुणे, ता. २०:- राज्यातील खासगी विद्यापीठांनी एकत्र येत विद्यापीठांच्या कायद्यानुसार पेरा (प्रिमीयंट एज्युकेशन अँड रिसर्च असोसिएशन) या संघटनेची स्थापना केली आहे. कोरोना महामारीच्या पार्श्‍वभूमीवर यंदाच्या व्यावसायिक अभ्यासक्रमांच्या प्रवेशांसाठी राज्य शासनाची सीईटी केव्हा आणि कशी घ्यावयाची याचा निर्णय झालेला नाही. महामारीच्या काळात ही सीईटी घेतल्यास अनेक विद्यार्थ्यांच्या जीविताला धोका निर्माण होऊ शकतो, त्यामुळे शासनाने यंदाच्या शैक्षणिक वर्षासाठीची एमएच सीईटी रद्द करून इयत्ता १२ वीच्या गुणांकावर खासगी विद्यापीठ आणि इतर महाविद्यालयांना व्यासायिक अभ्यासक्रमांसाठी प्रवेश घेण्यास परवानगी द्यावी, अशी मागणी पेरा संघटनेचे अध्यक्ष आणि एमआयटी एडीटी विद्यापीठाचे कार्याध्यक्ष प्रा. डॉ. मंगेश कराड आणि उपाध्यक्ष भरत अग्रवाल यांनी केली. 


प्रा. डॉ. मंगेश कराड म्हणाले, महाराष्ट्रातील खासगी विद्यापीठांच्या पेरा या संघटनेत १२ खासगी विद्यापीठांचा समावेश झाला आहे. ही संघटना उच्च शिक्षणाच्या उत्कर्षांसाठी आणि राज्यातील स्वयं अर्थसाहित विद्यापीठांच्या न्याय व हक्कासाठी कार्य करते. या संघटनेच्या सदस्यांची ८ ऑगस्ट २०२० रोजी बैठक झाली. या बैठकीत महाराष्ट्र शासनातर्फे व्यावसायिक अभ्यासक्रमांसाठी घेण्यात येणार्‍या एमएच सीईटी परीक्षेला होणार्‍या विलंबामुळे चिंता व्यक्त करण्यात आली. तसेच नवीन शैक्षणिक वर्ष लवकर सुरू होत नसल्यामुळे पालक आणि विद्यार्थी ही चिंताग्रस्त आहेत. दरम्यान, राज्यावर कोरोना महामारीचे संकट वाढत आहे, अशात राज्य शासनाची एमएच सीईटी घेणे विद्यार्थ्यांसाठी धोकादायक होईल. म्हणून महाराष्ट्र शासनाने ही एमएची सीईटी परीक्षा रद्द करावी. १२ वीच्या गुणांकावर विद्यार्थ्यांना व्यावसायिक अभ्यासक्रमांसाठी प्रवेश घेण्यास परवानगी द्यावी. या निर्णयाचा लाभ राज्य विद्यापीठांशी सलंग्न असणार्‍या महाविद्यालयांसह खासगी विद्यापीठांना ही होणार आहे. यामुळे विद्यार्थ्यांना मोठा दिलासा मिळेल, असे मत ही पेरा संघटनेचे अध्यक्ष प्रा. डॉ. मंगेश कराड यांनी व्यक्त केले.


Popular posts
खरीप हंगामाचे काटेकोर नियोजन करा*                                        - उपमुख्यमंत्री अजित पवार   * पुणे जिल्हा खरीप हंगाम आढावा बैठक
Image
मनिषा हिला श्रद्धांजलि वाहण्यासाठी राजीव गांधी विचार प्रसारक मंडळ ट्रस्ट,अखिल भारतीय मानव कल्याण समिति, अरविंद शिंदे मित्र परिवारऻच्या वतीने राजीव गांधी वाचनालय,ससुन वसाहत ते डाॅ.बाबासाहेब उद्यान,पुणे स्टेशन पर्यंत कॅन्डल मार्च चे आयोजन
Image
शिक्षण राज्य मंत्री श्री बच्चुभाऊ कडु यांचा MIT शाळेला दणका, CBSE NOC रद्द करण्याचे आदेश....
Image
वर्दी बाजूला ठेवून दोन हात करा, मग आम्ही दाखवतो,” म.न.से.चं पोलिसांना जाहीर आव्हान
सिनेस्टार अमिताभ बच्चन यांच्या वाढदिवसानिम्मित त्यांनी बच्चन यांचे विशेष रेकॉर्ड्स संग्रह सर्वांना पाहण्याकरिता खुला
Image