पुणे प्रवाह न्युज पोर्टल
पुणे, दिः 25 जुलैः शहरातील सुप्रसिद्ध व्यवसायिक दत्तात्रय उर्फ बाळासाहेब गोविंद घैसास यांचे वृद्धपकाळाने आज निधन झाले. ते 92 वर्षाचे होते. त्यांच्या पश्चात, 3 मुले, सुना, नातवंडे व पतवंडे असा परिवार आहे.
सुप्रसिद्ध नाक, कान व घसा तज्ञ डॉ. सुरेश घैसास यांचे ते ज्येष्ठ बंधू होते. दत्तात्रय घैसास आजारी असतांना म्हणाले की मला कोणत्याही प्रकारे औषधोपचार नको, माझ्या आई-वडिलांनी मला बोलविले आहे. मला आनंदाने जाऊ दया.
दत्तात्रय उर्फ बाळासाहेब गोविंद घैसास यांनी त्यांच्या युवाअवस्थेत बुलेटवरून संपूर्ण भारत भ्रमण केले होते. तसेच त्यांनी डेक्कन व लक्ष्मी रोड येथे जे. जे. घैसास कंपनी चालवित होते.
माईर्स एमआयटीचे संस्थापक अध्यक्ष प्रा. डॉ. विश्वनाथ दा. कराड, उपाध्यक्ष राहुल विश्वनाथ कराड, सचिव प्रा.डॉ. मंगेश तु. कराड व कार्यकारी संचालिका डॉ. सुचित्रा कराड नागरे यांनी श्रध्दांजली वाहिली.
त्यावेळी प्रा. डॉ. विश्वनाथ दा. कराड म्हणाले, घैसास कुटुंबांनी माईर्स एमआयटी या शिक्षण संस्थेला एक पैसाही न घेता जमीन दिली. त्यातूनच माईर्स एमआयटी या शिक्षण संस्थेची उभारणी झाली. त्यामध्ये त्या घैसास कुटुंबांचे मोलाचे योगदान आहे. त्यावरून त्यांचा मनाचा मोठेपणा दिसून येतो. त्यांच्या निधनामुळे आमची कधीही न भरून निघणारी मोठी हानी झाली आहे. त्यांच्या आत्म्यास चिरशांती लाभो हिच परमेश्वराकडे प्रार्थना.
माईर्स संस्थेच्या वतीने त्यांना श्रध्दांजली वाहिली.
