उद्योजक व असोसिएशनच्या पदाधिकाऱ्यांसोबत विभागीय आयुक्त डॉ. म्हैसेकर यांनी साधला संवाद*

पुणे प्रवाह न्युज पोर्टल


 


*उद्योजक व असोसिएशनच्या पदाधिकाऱ्यांसोबत विभागीय आयुक्त डॉ. म्हैसेकर यांनी साधला संवाद*
  
  पुणे दि. १३ : जिल्हयातील उद्योजक व असोसिएशनच्या पदाधिकाऱ्यांसोबत विभागीय आयुक्त डॉ.दीपक म्हैसेकर, पोलीस आयुक्त डॉ. के. व्यंकटेशम व जिल्हाधिकारी नवल किशोर राम यांनी व्हीडीओ कॉन्फरन्स व्दारे संवाद साधला.


  यावेळी औद्योगिक विकास महामंडळाचे प्रादेशिक अधिकारी अविनाश हदगल, संजीव देशमुख, उद्योग विभागाचे सहसंचालक श्री. सुरवसे उपस्थित होते. यावेळी ४०० हून अधिक असोसिएशनचे पदाधिकारी व उद्योजक व्हीडीओ कॉन्फरन्स व्दारे बैठकीमध्ये सहभागी झाले. यावेळी त्यांनी उद्योग क्षेत्राला येणाऱ्या अडचणींबाबत ‍ माहिती देवून विविध सूचना केल्या.


  यावेळी डॉ. म्हैसेकर म्हणाले, उद्योग धंद्याबाबत शासनस्तरावर धोरणात्मक निर्णय झाल्यावर प्रशासन आदेश जारी करेल. पुणे, पिंपरी चिंचवड व ग्रामीण भागातील काही कन्टेन्मेंट क्षेत्रातून कामगारांची व आवश्यक मालाची  ने- आण करता येणार नाही.


  पुणे आणि पिंपरी चिंचवडमध्ये काही भाग प्रतिबंधित क्षेत्र असल्याने या भागात सध्या उद्योग सूरु करता येणार नाहीत. तसेच संध्याकाळी 7 ते सकाळी 7 या कालावधीत  हालचाल करता येणार नाही. परंतु 17 तारखेनंतर येथे उद्योग सुरू करण्याबाबत राज्य शासनाचा धोरणात्मक निर्णय झाल्यानंतर याबाबत विचार केला जाईल.


  कामगारांचे स्थलांतर होत असून अशा परिस्थितीत उद्योग सुरु राहण्यासाठी स्थानिकांना प्रशिक्षण देवून या मनुष्यबळाचा वापर करुन घेण्याबाबत उद्योजकांनी विचार   करावा, असे आवाहन डॉ.म्हैसेकर यांनी केले. उद्योगासाठी कामगारांची पर जिल्ह्यातून ने- आण करता येणार नाही. याबाबत शासनाच्या नवीन धोरणाप्रमाणे निर्णय घेण्यात येईल.


   उद्योग समुहाने कोरोना  कालावधीत सोशल डिस्टनसिंग ठेवणे,  सॅनिटायझरचा वापर करणे, मास्कचा वापर करणे, हातांची स्वच्छता राखणे आदी खबरदारी घेवून उद्योग क्षेत्रातील कामे सुरु ठेवावीत, असेही आवाहन त्यांनी यावेळी केले. 
0000000000


Popular posts
वर्दी बाजूला ठेवून दोन हात करा, मग आम्ही दाखवतो,” म.न.से.चं पोलिसांना जाहीर आव्हान
मनिषा हिला श्रद्धांजलि वाहण्यासाठी राजीव गांधी विचार प्रसारक मंडळ ट्रस्ट,अखिल भारतीय मानव कल्याण समिति, अरविंद शिंदे मित्र परिवारऻच्या वतीने राजीव गांधी वाचनालय,ससुन वसाहत ते डाॅ.बाबासाहेब उद्यान,पुणे स्टेशन पर्यंत कॅन्डल मार्च चे आयोजन
Image
स्त्री शिक्षणाचे जनक, महान क्रांतिकारक, उत्तम उद्योजक,क्रांतिसूर्य महात्मा जोतीबा फुले* यांची आज जयंती…  त्यानिमित्त महात्मा फुले यांना *विनम्र अभिवादन !!!*
Image
सिनेस्टार अमिताभ बच्चन यांच्या वाढदिवसानिम्मित त्यांनी बच्चन यांचे विशेष रेकॉर्ड्स संग्रह सर्वांना पाहण्याकरिता खुला
Image
खरीप हंगामाचे काटेकोर नियोजन करा*                                        - उपमुख्यमंत्री अजित पवार   * पुणे जिल्हा खरीप हंगाम आढावा बैठक
Image