पुणे प्रवाह न्युज पोर्टल
press note *संघर्ष सोशल फौंडेशनतर्फे परप्रांतीय मजुरांसाठी मदतकार्य*
पुणे :-
कोरोनाच्या पार्श्वभूमीवर केंद्र सरकारने विविध राज्यात अडकून पडलेल्या मजुरांना पुन्हा त्यांच्या गावी जाण्यासाठी विशेष श्रमिक ट्रेन सुरु केल्या आहेत. त्याकरिता मजुरांना पोलीस स्टेशनमध्ये जाऊन पासेस काढावे लागत आहेत व तिथे गर्दी होऊन सोशल डिस्टंसिन्गचा फज्जा उडत असल्याने संघर्ष सोशल फौंडेशनतर्फे मजुरांच्या सोयीकरिता डिजिटल पास साठी अर्ज करण्यास मदत करण्यात येत आहे.
डिजिटल पासच्या माध्यमातून मजुरांचे आधार कार्ड , मेडिकल सर्टिफिकेट व अन्य कागदपत्रे अपलोड करून दिली जात आहेत. तसेच मजुरांना यासाठी आवश्यक असलेला आरोग्य दाखला देखील मोफत आरोग्य तपासणी करून दिला जात आहे. संघर्ष सोशल फौंडेशनचे अध्यक्ष चैतन्य पुरंदरे व डॉ. हिरेन निरगुडकर यांच्या मार्गदर्शनाखाली रणजित शिंदे, प्रणव ढवळे , प्रसाद केळकर, सार्थक खिरे आदी कार्यकर्ते या उपक्रमासाठी मदत करीत आहेत. मोफत मेडिकल चेकअप साठी डॉ. हिरेन निरगुडकर यांचे विशेष सहकार्य लाभत आहे. -------------------------------------------
